Galdrastafir og græn augu

Ég las bókina Galdrastafir og græn augu eftir Önnu Heiðu Pálsdóttur. Bókin fjallar um 13 ára strák sem heitir Sveinn og fer með fjölskyldu sinni í ferð til Selvoga. Sveinn finnur stein upp á fjalli og sér galdrastaf og byrjar að bulla eitthvað út í loftið. Hann byrjar svo að snúast og fer aftur til fortíðar til ársins 1713. Þar hittir hann strák sem heitir Jónas. Jónas endar með því að verða besti vinur Sveins. Sveinn  hittir svo Stínu og hann fellur fyrir fallegu grænu augunum hennar. Sveinn fékk líka að hitta séra Eirík sem er talinn vera valdamikill galdramaður og Sveinn taldi það vera einu leiðina til að komast heim.  

Mér fannst þessi saga mjög skemmtileg og áhugaverð og hún var rosa vel skrifuð. Bókinn er með mjög áhugaverða sögu þannig þegar kennarinn hættir að lesa þá vill maður ekki hætta að hlusta. Þessi saga er fróðleg, fyndin og dálítið sorgleg.  

Mér fannst gallinn vera að bókinn endar ekki eins og ég hafði viljað og það er ekkert framhald.