Stelpur í strákaleit - Bókagagngrýni

Ég las fjórar bækur eftir Jaqueline Wilson: Stelpur í strákaleit, Stelpur í stressi, Stelpur í stuði og Stelpur í sárum. Bókin sem ég ætla að segja ykkur frá er bókin Stelpur í strákaleit sem er fyrsta bókin í þessari bókaseríu. Bókin var gefin út í Bretlandi árið 1997 . 

 Bókin fjallar um þrjár fjórtán ára stelpur. Aðal sögupersónan heitir Ellie og hún er dálítið feit og er með krullað ljóst hár. Hún er að mörgu leyti eins og stelpur nú til dags sem kalla sig sjálfar feitar og ljótar. Ellie á tvær bestu vinkonur þær Nadine og Magda. Ellie hefur þekkt Nadine frá því þær voru litlar og þær voru næstum því með engin vandamál. Nadine er mjög gotnesk í útliti, grönn, náföl, eiginlega eins og vampíra og er með sítt, svart hár. Svo er það Magda. Ellie og Magda hafa verið vinkonur frá því í fimmta eða sjötta bekk. Magda er svaka pæja og flestir strákar falla fyrir henni. Hún er með ljóst og meðallangt hár og er líka grönn. Allt fer í rugl með strákunum sem þær hitta og Ellie gæti endað á geðsjúkraheimili. Ég vil ekki segja meira frá efni bókarinnar því ég vil ekki eyðileggja lesturinn fyrir ykkur ef þið ákveðið að lesa þessa skemmtilegu bókaseríu. 

Bókin er með rosa marga kosti og mest af þeim eru að rithöfundurinn nær alveg að skrifa og túlka hvernig líf unglinga er. Gallarnir í bókinni að mínu mati eru engir. Bókin var skemmtileg, sorgleg og að engu að síður fyndin. Ég á engar uppáhalds bækur en ég segi samt að þessar bækur eru á toppnum hjá mér. Ég gæti lesið þessar bækur aftur og aftur og alltaf fundist jafn skemmtilegt að lesa þær. Ég mæli rosalega með þessari bókaseríu því hún lætur mann alveg sökkva ofan í bókina.